ევროკავშირიდან დიდი ბრიტანეთის გასვლის შემდეგ, გაერთიანებული სამეფოს შემადგენლობაში შემავალმა ჩრდილოეთ ირლანდიამ რეფერენდუმი უნდა ჩაატაროს, - ამის შესახებ ჩრდილოეთ ირლანდიის მმართველი პარტიის „შინ ფეინის“ თავმჯდომარემ დეკლან კირნიმ განაცხადა.

„რეფერენდუმის შედეგები ჩრდილოეთ ირლანდიაში პოლიტიკურ ლანდშაპტს მთლიანად ცვლის და ჩვენ დავიწყებთ რეფერენდუმისთვის მზადებას, რომლითაც დიდი ბრიტანეთის შემადგენლობიდან გავალთ და ირლანდიას შევუერთდებით“, - განაცხადა კირნიმ.

მისივე თქმით, რეფერენდუმის შედეგები ბრიტანეთის მთავრობას უფლებას ართმევს, გაატაროს ჩრდილოეთ ირლანდიის ინტერესები იმ პირობებში, როდესაც მის მოსახლეობას ევროკავშირში დარჩენა სურდა. პოლიტიკოსის ინფრომაციით, ევროკავშირში დარჩენას ჩრდილოეთ ირლანდიის მოსახლეობის 56% უჭერდა მხარს.

თავის მხრივ, შოტლანდიის ყოფილმა პრემიერ-მინისტრმა ალექს სალმონდმა აღნიშნა, რომ გაერთიანებული სამეფოს შემადგენლობა შოტლანდიამაც უნდა დატოვოს, რადგან შოტლანდიის მოსახლეობის უმრავლესობას, ასევე ევროკავშირში დარჩენა სურს. აღსანიშნავია, რომ 2014 წელს შოტლანდიაში დამოუკიდებლობის შესახებ რეფერენდუმი ჩატარდა და მაშინ უმრავლესობას დიდი ბრიტანეთის შემადგენლობაში დარჩენა სურდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი