საქართველოს შეიარაღებული ძალების IV მექანიზირებულ ბრიგადას თბილისის 173-ე საჯარო სკოლის მოსწავლეები ესტუმრნენ.

თავდაცვის სამინისტროს ინფორმაციით, სკოლა 2008 წლის აგვისტოს ომში დაღუპული ვახტანგ გზირიშვილის სახელს ატარებს, რომელიც, სწორედ, IV მექანიზირებულ ბრიგადაში მსახურობდა.

ვაზიანში მოსწავლეების სტუმრობა ვახტანგ გზირიშვილის დაბადების დღესთან დაკავშირებით დაიგეგმა. ბრიგადის წარმომადგენლებმა ახალგაზრდებს ინფრასტრუქტურა დაათვალიერებინეს და სამხედრო საკითხებზე გაესაუბრნენ.

ღონისძიება პროექტის - „ერთი დღე საქართველოს შეიარაღებულ ძალებში“ ფარგლებში განხორციელდა.

ვახტანგ გზირიშვილი ცხინვალის რეგიონში იბრძოდა, იგი 8 აგვისტოს სამხედრო დავალების შესრულების დროს დაიღუპა. სიკვდილის შემდეგ მას ვახტანგ გორგასლის პირველი ხარისხის ორდენი მიენიჭა. დღეს, 23 აპრილს ვახტანგს 28 წელი შეუსრულდებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal