გერმანიის კანცლერის, ოლაფ შოლცის განცხადებით, უკრაინაში მშვიდობის მიღწევამდე ჯერ კიდევ შორია და რომ ქვეყნის მოკავშირეებმა მისი უსაფრთხო მომავალი უნდა უზრუნველყონ, - უკრაინული მედიის ინფორმაციით, შოლცმა ამის შესახებ Rheinische Post-თან ინტერვიუში განაცხადა.

უკრაინაში სამშვიდობო ძალების შეყვანის შესაძლებლობის შესახებ დასმულ კითხვაზე, შოლცმა უპასუხა, რომ უკრაინის პარტნიორი ქვეყნები უსაფრთხოების გარანტიების საკითხს უახლოეს მომავალში განიხილავენ.

„კარგი ამბავი იქნება, თუ უკრაინაში ომი დასრულდება, მაგრამ, მაშინაც კი, ჩვენ მაინც მოგვიწევს უკრაინის უსაფრთხო მომავლის უზრუნველყოფა. შემდეგ საუბარი შეეხება უსაფრთხოების გარანტიებს და ასევე იმას, თუ როგორ შეუძლია უკრაინას შეინარჩუნოს ძლიერი არმია, რომლის შეიარაღებასაც ერთად შევძლებთ. ჩვენ უახლოეს მომავალში განვიხილავთ ამას ჩვენს მოკავშირეებთან“, - განაცხადა გერმანიის კანცლერმა.

ამასთან, მან ხაზი გაუსვა, რომ ახლა ასეთი სპეკულაციების დრო არ არის, რადგან უკრაინელების გარეშე არაფერი უნდა გადაწყდეს.

„ჩვენ ჯერ კიდევ შორს ვართ მშვიდობისგან", - განაცხადა გერმანიის კანცლერმა.

შოლცმა ასევე განმარტა, რომ გერმანიას აქვს ბიუჯეტის დეფიციტი 25 მილიარდი ევროს ოდენობით და, შესაბამისად, ახლა არ შეუძლია უკრაინას დახმარება გაუზარდოს და თავდაცვაზე მშპ-ს 2%-ის ხარჯვა დაიწყოს, როგორც ამას ნატო მოითხოვს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი