აზერბაიჯანელი დამოუკიდებელი ჟურნალისტის, ნიჟატ ამირასლანოვის ადვოკატის განცხადებით, მისი დაცვის ქვეშ მყოფი ციხეში აწამეს, - ამის შესახებ „რადიო თავისუფლება“ იუწყება. 

მედია საშუალების ინფორმაციით, ამირასლანოვი 22 მაისს დააკავეს და სამართალდამცავებისთვის წინააღმდეგობის გაწევის გამო 30 დღით პატიმრობა მიუსაჯეს.

როგორც "რადიო თავისუფლება" წერს, 3 ივნისს ჟურნალისტს განაჩენი უნდა გაესაჩივრებინა, თუმცა ამის ნაცვლად მან თავი დამნაშავედ ცნო.

ჟურნალისტის ადვოკატის ელჩინ სადიქოვის განცხადებით, ის ჟურნალისტს შეხვდა და ნახა, რომ ამირასლანოვს კბილები არ ჰქონდა. ამასთან, მისივე თქმით, რამდენიმე დღით ადრე მისი დაცვისქვეშ მყოფი სრულიად ჯანმრთელად გამოიყურებოდა.

"როდესაც ვკითხე ამირასლანოვს, თუ რა მოუვიდა მის კბილებს, მითხრა რომ, უბრალოდ ჩამოუვარდა", - განაცხადა ადვოკატმა.

სადიქოვის თქმით, მან ნახა თუ როგორ მიუთითებდა მოსამართლის თანაშემწე მის კლიენტს რაღაცას და ვარაუდობს, რომ ამირასლანოვს დანაშაულის აღიარება მოსთხოვეს.

სადიქოვი ძალადობის ფაქტის დაუყოვნებლივ გამოძიებას მოითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო