აჭარის ტურიზმის დეპარტამენტის ორგანიზებით რეგიონს რუსი ჟურნალისტები სტუმრობენ. პრესტურის ფარგლებში აჭარის ტურისტულ პროდუქტებსა და შესაძლებლობებს რუსეთში პოპულარული მედია გამოცემების Interfax-ის, Elle.ru-ის, Harper’s Bazaar-ისა და სხვა რეიტინგული ონლაინ-ბეჭდური მედიის ჟურნალისტები გაეცნენ. ისინი ქალაქის ღირსშესანიშნაობებს, ბოტანიკურ ბაღს, გონიოს ციხეს, მახუნცეთის ჩანჩქერსა და სოფელ ვაიოს სტუმრობდნენ, სადაც გარდა ტურისტული ადგილების მონახულებისა ჟურნალისტებს საშუალება ჰქონდათ ადგილობრივი კერძები და ღვინო დაეგემოვნებინათ. რეგიონის ტურისტული პროდუქტების შესახებ სტატიები აღნიშნულ მედია გამოცემებში ივნისის ბოლომდე გავა. 

რუსეთში წარმოებული პიარ კამპანიების ფარგლებში პრესტურს დეპარტამენტი ფედერაციიდან მეოთხედ მასპინძლობს. 2016 წლის მარტიდან დღემდე აჭარის ტურისტული პოტენციალი და პროდუქტები სხვადასხვა მედია საშუალებების გარდა რუსეთის პოპულარული ტელეარხების “Моя планета“- ს და „ПЯТНИЦА»- ს ობიექტივში მოხვდა. ტელეარხებმა რეგიონში მოგზაურობასა და გასტრონომიას სპეციალური გადაცემები მიუძღვნეს. წლის ბოლომდე დეპარტამენტი რუსეთიდან დამატებით ორ პრესტურს გაუწევს ორგანიზებას. აქედან ერთი  ტელეარხ „ПЯТНИЦА»- ს გასართობი გადაცემა „ЖаннаПожени” გადამღები ჯგუფი იქნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი