საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი ჩოხატაურის მუნიციპალიტეტის სოფელ სურების მოსახლეობას შეხვდა და მათ პრობლემებს გაეცნო.

ინფრასტრუქტურის სამინისტროს ინფორმაციით, სოფელ სურების  ერთ-ერთი ყველაზე მნიშვნელოვანი პრობლემა უგზოობაა, რაც განსაკუთრებით მძაფრად უხვი ნალექის დროს იჩენს ხოლმე თავს. მოსახლეობას უჭირს გადაადგილება, ადმინისტრაციულ ცენტრთან დაკავშირება.

 მინისტრმა სურების მოსახლეობას დახმარება აღუთქვა და აღნიშნა,  რომ ეს საკითხი აუცილებლად იქნება განხილული და უახლოეს სამოქმედო გეგმაში გათვალისწინებული. ნოდარ ჯავახიშვილის თქმით, მიუხედავად იმისა, რომ სოფლამდე მისასვლელ 18 კილომეტრიან გზაზე ასფალტის საფარი არასოდეს ყოფილა და მისი მშენებლობა საკმაოდ დიდ ხარჯებთან და სირთულეებთან არის დაკავშირებული,  ყველაფერი გაკეთდება იმისათვის, რომ აღნიშნული გზის მშენებლობისათვის მოსამზადებელი სამუშაოები მიმდინარე წელს დაიწყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო