2016-05-26 15:06:59, 1089 ნახვა
კომენტარი
სუბარი: სანამ საქართველოს ტერიტორიები ოკუპირებულია, ეს დღე ბოლომდე სადღესასწაულო ვერ იქნება
„მინდა სრულიად საქართველოს მივულოცო ეს დღე, ჩვენი წინაპრები ათასწლეულების განმავლობაში იბრძოდნენ დამოუკიდებლობისთვის“, - ამის შესახებ ლტოლვილთა და განსახლების მინისტრმა სოზარ სუბარმა დამოუკიდებლობის დღესთან დაკავშირებით განაცხადა.
მინისტრის თქმით, ეს დღე ვერ იქნება ბოლომდე სადღესასწაულო, სანამ საქართველოს ტერიტორიები ოკუპირებულია.
„ეს დღე ვერ იქნება ყოველთვის სადღესასწაულო, სანამ ჩვენი ტერიტორიები თუნდაც ერთი გოჯი მიწა ოკუპირებულია და სანამ თუნდაც ერთი დევნილი არის და თავის სახლში ვერ ბრუნდება. მალე დადგება ის დღე, როცა ქვეყანა იქნება გამთლიანებული და ყველას სახლში დაბრუნება შეეძლება“, - განაცხადა სუბარმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
