„მთავრობა შექმნილი ვითარების გამოსასწორებლად ეროვნულ ბანკთან 24 საათიან რეჟიმში მუშაობს“, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა.

როგორც პრემიერმა აღნიშნა, მთავრობას აქვს კონკრეტული გეგმები, რომელიც სიტუაციის სწრაფად გამოსწორებას ემსახურება.

„მოგეხსენებათ, რომ რეგიონში არის ძალიან მძიმე ეკონომიკური ვითარება. არის მძიმე სიტუაცია უკრაინაში, იქ არის საომარი მოქმედებები. ჩვენს რეგიონში კონკრეტულად რუსეთი იქნება ეს აზერბაიჯანი თუ სომხეთი, ზოგადად ევროპაში არის კრიზისი. შესაბამისად, საქართველო თავისი პატარა ეკონომიკით არის მიერთებული, დაკავშირებული ამ გლობალურ ეკონომიკასთან. ეს ბუნებრივია ჩვენს ეკონომიკაზე აისახება ნეგატიურად და ვერ ვიქნებით გამონაკლისი, წარმატებული ასეთ მძიმე ვითარებაში. მაგრამ, ჩვენ გვაქვს კონკრეტული გეგმები. ჩემი დავალებით ეკონომიკური გუნდი მუშაობს აქტიურად. ჩვენ გუშინაც გვქონდა შეხვედრა. ვმუშაობთ კოორდინირებულად 24 საათის განმავლობაში ეროვნულ ბანკთან ერთად. გვაქვს გაწერილი გეგმები და ყველა ეს კომპონენტი ემსახურება იმას, რომ გამოსწორდეს სიტუაცია ძალიან სწრაფად. ასევე ინვესტიციების ხელშეწყობის კუთხით გვაქვს ჩვენ არაერთი საინტერესო მექანიზმები და წინადადებები მომზადებული. ამას ძალიან მალე გავაჟღერებთ“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული