სასჯელაღსრულების დეპარტამენტის მე-17 დაწესებულების ყოფილი დირექტორი გიორგი ელიზბარაშვილი დარწმუნებულია, რომ მის დაკავებამდე ციხის განყოფილების უფროსი, ან მისი რომელიმე მოადგილე რომ დაეკითხათ, მოსამართლე ბრალდებას განჩინებას არ მისცემდა.

ამის შესახებ ელიზბარაშვილმა თბილისის საქალაქო სასამართლოში განაცხადა, სადაც მოსამართლე მისთვის და კიდევ 7 პატიმრის მიმართ აღკვეთის ღონისძიების შეფარდების საკითხზე მსჯელობს.

ელიზბარაშვილის მტკიცებით, მიზანმიმართულად მხოლოდ ის მოწმეები დაკითხსეს, რომლებიც ბრალდებას  აწყობდა.

"მე, ან  ჩემი რომელიმე მოადგილე, ან განყოფილების უფროსი ჩემს დაკავებამდე, განჩინების აღებამდე, ერთ-ერთი მაინც რომ ყოფილიყო დაკითხული, დარწმუნებული ვარ, მოსამართლ განჩინებას არ მისცემდა. მიზანმიმართულად მოხდა ყველაფერი, დაიკითხნენ მხოლოდ და მხოლოდ ის მოწმეები, რომლებიც ბრალდებას აწყობდა",-განაცხადა გიორგი ელიზბარაშვილმა.

შეგახსენებთ, სასჯელაღსრულების  დეპარტამენტის # მე-17 დაწესებულების  დირექტორი სამსახურებრივი უფლებამოსილების  ბოროტად გამოყენების ბრალდებით დააკავეს. საქმე ეხება 2015 წლის 1 იანვარს  მე-17 დაწესებულებაში განხორციელებულ ფაქტს, რა დროსაც მსჯავრდებულების მხრიდან მსჯავრდებულებზე  ძალადობა მოხდა. კერძოდ, პროკურატურის  ინფორმაციით, ელიზბარაშვილმა რამდენიმე მსჯავრდებულს საპატიმროს ტერიტორიაზე თავისუფლად გადაადგილების საშუალება მისცა, მათ კი, პატიმრებზე ძალადობა განახორციელეს. მოცემულ ფაქტთან დაკავშირებით,  ხსენებულ  სასჯელაღსრულების დეპარტამენტის დაწესებულებაში მოთავსებული 7 პატიმრის მიმართ ასევე სამართლებრივი დევნა დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი