მდინარე მაშავერას დაშრობასთან დაკავშირებით ადგილზე სიტუაციის შესწავლა განხორციელდა. 

როგორც „ექსპრესნიუსს“ გარემოს დაცვის სამინისტროდან აცნობეს, შესწავლის შედეგად, წყალმცირობა დიდი დმანისის ჰიდრონაგებობიდან სოფ. კიანეთამდე მონაკვეთში  დაფიქსირდა. 

„გარემოსდაცვითი ზედამხედველობის დეპარტამენტის ცხელ ხაზზე შემოსული შეტყობინების საფუძვლზე დეპარტამენტის და გარემოს ეროვნული სააგენტოს შესაბამისი დარგის სპეციალისტების მიერ განხორციელდა მდ. მაშავერას დაშრობასთან დაკავშირებით ადგილზე არსებული სიტუაციის შესწავლა. შესწავლის შედეგად დიდი დმანისის ჰიდრონაგებობიდან სოფ. კიანეთამდე მონაკვეთში (დაახლოებით 10-12 კმ მანძილზე) დაფიქსირდა შესამჩნევი წყალმცირობა, წყლის ხარჯი დ. კაზრეთთან შეადგენდა 0,5 მ3/წმ. ასევე დადგინდა, რომ ჰიდრონაგებობიდან მდინარეში ჩამდინარე წყლის მნიშვნელოვანი ნაწილი (დაახლოებით 80%) გადაგდებული იყო მცირე ჰესის ასამუშავებლად კაზრეთის სარწყავი სისტემის წყალგამყოფი კვანძიდან გამომავალი დიუკერის მეშვეობით. მდინარე მაშავერადან წყალაღებას ახორციელებს შპს „საქართველოს გაერთიანებული სამელიორაციო სისტემების კომპანია“ და ხელშეკრულების საფუძველზე აწვდის მცირე ჰესს. ჰიდროელქტროსადგურისათვის წყლის მიწოდება ხორციელდება ხელშეკრულებით დადგენილი რეჟიმების მიხედვით. 2015 წლის 5 თებერვლის 17 საათისათვის მდ. მაშავერაზე, ზემოაღნიშნულ მონაკვეთზე წყალმცირობა შენარჩუნებულია. ამდენად, მდ. მაშავერას დაშრობა არ უკავშირდება RMG Gold მიერ წიაღით სარგებლობის სამუშაოებს. ამ ეტაპზე გარემოსდაცვითი ზედამხედველობის დეპარტამენტში დაწყებულია ადმინისტრაციული წარმოება საკითხის დეტალურად შესწავლის მიზნით“, – ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული