საქართველოს თავდაცვის სამინისტროს სსიპ კიბერუსაფრთხოების ბიუროს დაარსებიდან ერთი წელი შესრულდა.

თავდაცვის სამინისტროს ინფორმაციით, აღნიშნულ თარიღთან დაკავშირებით ბიურო სხვადასხვა ღონისძიებას გეგმავს.

დღეს, ილიაუნის სახელმწიფო უნივერსიტეტში ლექცია „კიბერუსაფრთხოების საინფორმაციო დღე“გაიმართა.  

უწყების ცნობით, ღონისძიების მიზანს კიბერუსაფრთხოების სფეროში ახალგაზრდების ინფორმირება და ცნობიერების ამაღლება წარმოადგენდა.

ლექცია კიბერუსაფრთხოების ბიუროს დირექტორმა, ანდრია გოცირიძემ და უნივერსიტეტის  მეცნიერებათა  და ხელოვნების ფაკულტეტის დეკანმა, გიორგი გვალიამ გახსნეს. მათ სტუდენტებს სიტყვით მიმართეს და კიბერუსაფრთხოების სფეროს პოპულარიზაციისა და ამ კუთხით უმაღლეს სასწავლო დაწესებულებებთან მჭიდრო თანამშრომლობის მნიშვნელობაზე  გაამახვილეს ყურადღება. ღონისძიებას საქართველოს თავდაცვის მინისტრის მრჩეველი გიორგი ბეროშვილი დაესწრო.

კიბერუსაფრთხოების ბიუროს ხელმძღვანელმა პირებმა უნივერსიტეტის პროფესორ-მასწავლებლებსა და სტუდენტებს  კიბერუსაფრთხოების სფეროში არსებულ თანამედროვე გამოწვევებზე, ბიუროს საქმიანობაზე, მიზნებსა და სამომავლო გეგმებზე პრეზენტაცია წარუდგინეს.

მოგვიანებით შეხვედრა კითხვა-პასუხის რეჟიმში გაგრძელდა.  კიბერუსაფრთხოების ბიუროს წარმომადგენლებმა და თავდაცვის მინისტრის მრჩეველმა სტუდენტების კითხვებს უპასუხეს.

საქართველოში კიბერუსაფრთხოების თემატიკამ აქტუალობა 2008 წლის აგვისტოში საქართველოს წინააღმდეგ განხორციელებული კიბერშეტევის შემდეგ შეიძინა.

2014 წელს საქართველოს თავდაცვის სამინისტროში გადაწყვეტილების მიმღებმა საბჭომ კიბერუსაფრთხოების პოლიტიკის დოკუმენტი განიხილა და დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული