2015-05-21 12:43:07, 654 ნახვა
ეკონომიკა
არჩილ ხაბაძე უკრაინულ-ქართულ ბიზნეს ფორუმს ესწრება
აჭარის მთავრობის თავმჯდომარე არჩილ ხაბაძე სასტუმრო „რედისონ ბლუ ბათუმში“ მიმდინარე უკრაინულ-ქართულ ბიზნეს ფორუმს ესწრება.
აჭარის მთავრობის ადმინისტრაციის პრესსამსახურის ინფორმაციით, ფორუმის ფარგლებში უკრაინული კომპანიები გაეცნობიან პრეზენტაციებს რეგიონის საინვესტიციო და ტურისტული პოტენციალის, ბათუმში მიმდინარე ინფრასტრუქტურული პროექტებისა და ქალაქის ეკონომიკური განვითარების შესახებ.
პრეზენტაციების შემდეგ გაიმართება B2B შეხვედრები სამშენებლო, ტურიზმის, ინფორმაციული ტექნოლოგიების, საგანმანათლებლო და სამედიცინო სფეროში მოქმედ უკრაინულ და ქართულ კომპანიებს შორის.
ბიზნეს ფორუმი აჭარის ავტონომიური რესპუბლიკის ფინანსთა და ეკონომიკის სამინისტროს ორგანიზებით ტარდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
