საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ მედიაციის სახლში დებატების კლუბი შეიქმნა.

სამთვიან პროექტს დანაშაულის პრევენციის ცენტრი და არასამთავრობო ორგანიზაცია „საქართველოს დებატებისა და განათლების ინსტიტუტი“ ერთობლივად ახორციელებენ.

დებატების კლუბში გაწევრიანდნენ იუსტიციის სამინისტროს დანაშაულის პრევენციის ცენტრის ახალგაზრდული პროგრამების 14-დან 18 წლამდე ასაკის ბენეფიციარები.  20 მოსწავლე უფასოდ გაივლის სამთვიან კურსს.

კლუბის მიზანია სკოლის მოსწავლეებისთვის დებატების სწავლებისა და მათთვის სპეციალური შეჯიბრებების, ტურნირების თუ საგანმანათლებლო ბანაკების მოწყობის საშუალებით სრულფასოვანი და თავისუფალი მოქალაქის ჩამოყალიბების ხელშეწყობა; საქართველოში სამოქალაქო საზოგადოებისა და სამართლებრივი სახელმწიფოს განვითარებაში მონაწილეობა, ასევე, დემოკრატიული და ჰუმანური ღირებულებების პოპულარიზაცია.

იუსტიციის სამინისტროს დანაშაულის პრევენციის ცენტრის ერთ-ერთი მიმართულებაა არასრულწლოვნებში სამოქალაქო, შემეცნებითი და იურიდიული ცნობიერების ამაღლება, მოხალისეობრივი საქმიანობის წახალისება, შემოქმედებითი ინიციატივების განვითარება, დამოუკიდებელი აზროვნების ხელშეწყობა და დანაშაულის პრევენცია.

„საქართველოს დებატებისა და განათლების ინსტიტუტი“ არის არასამთავრობო ორგანიზაცია, რომლის მიზანია აქტიური, ნიჭიერი ახალგაზრდების ჩართვა აკადემიურ - პრაქტიკულ ღონისძიებებში,  დებატის კულტურის ჩამოყალიბება, სამოქალაქო თვითშეგნების გაზრდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი