საქართველოს მესამე პრეზიდენტმა კომენტარი გააკეთა ირაკლი კობახიძის განცხადებაზე „ხალხის დებატების უფლების დაბრუნების“ აუცილებლობის შესახებ. მიხეილ სააკაშვილმა მოუწოდა „ქართულ ოცნებას“, რომ მას დებატებში მონაწილეობის უფლება მისცეს, თუნდაც ციხიდან.

„როგორ დებატებზე საუბრობს მაფიის მთავარი ვეზირი, ივანიშვილი, როდესაც მისი მთავარი ოპონენტი, რომელსაც ხალხის უმრავლესობა უჭერს მხარს, ციხეშია და „სასამართლო პროცესზე“ დამსწრეებსაც კი აეკრძალათ ჩემი ფოტოების გადაღება?

თუ ივანიშვილს არ ეშინია, ჩამრთონ პირდაპირ ეთერში დებატებში, თუნდაც ციხიდან!

მაგრამ რა აზრი აქვს, თუ სასამართლო დარბაზიდან ტრანსლაციებიც კი აიკრძალება“, - წერს სააკაშვილი.

შეგახსენებთ, რომ ირაკლი კობახიძემ ადრე სოციალურ ქსელში დაწერა, რომ დემოკრატიული სახელმწიფოს საფუძველი საზოგადოებისთვის შესაძლებლობაა საჯაროდ მოისმინოს ყველა პოლიტიკური ძალის პოზიციები, რომლებიც ძალაუფლებისთვის იბრძვიან.

ჯერ არ არის ცნობილი, ვისთან აპირებს ირაკლი კობახიძე დებატებს.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო