სს „გალტ & თაგარტმა“ სამედიცინო კორპორაცია „ევექსის“ 15 მილიონი აშშ დოლარის მოცულობის 2-წლიანი ობლიგაციების წარმატებით გამოშვების თაობაზე განაცხადა.

„გალტ & თაგარტი“ ხსენებული გარიგების ერთადერთი განმთავსებელი აგენტი იყო. „ევექსი“ ქვეყანაში უმსხვილესი ჰოსპიტალური ქსელია, რომლის შემდაგნელობაშიც შედის 41 კლინიკა, საქართველოს 6 რეგიონში. ობლიგაციის საპროცენტო განაკვეთი შეადგენს 9.5%-ს და გადაიხდება წელიწადში ორჯერ. ობლიგაცია განთავსდება საქართველოს საფონდო ბირჟაზე და ინვესტორებს შესაძლებლობა ექნებათ ხსენებულ გამოშვებას თვალყური ადევნონ  „ბლუმბერგის“ ტერმინალზე.

„მოხარული ვარ, რომ „გალტ & თაგარტმა“ მნიშვნელოვანი როლი შეასრულა სამედიცინო კორპორაცია „ევექსის“ ობლიგაციების წარმატებით გამოშვებაში. ეს არის ჯანდაცვის სერვისის მიმწოდებელი კომპანიის მიერ საქართველოში ობლიგაციის გამოშვების პირველი შემთხვევა. მნიშვნელოვანი მოთხოვნა დაფიქსირდა როგორც საერთაშორისო ისე ადგილობრივი ინვესტორების მხრიდან. მინდა ეს წარმატება მივულოცო „გალტ & თაგარტის“ მთელ გუნდს, რომელმაც ქვეყანაში, როგორც კერძო, ისე საჯარო სექტორისთვის, საინვესტიციო საბანკო მომსახურების მთავარი მიმწოდებლის ადგილი დაიმკვიდრა“, - განაცხადა „გალტ & თაგარტის“ თავმჯდომარემ, არჩილ გაჩეჩილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს