ფინანსთა მინისტრის მოადგილის გიორგი კაკაურიძის განცხადებით, სახელმწიფოს დე -დოლარიზაციის პოლიტიკა დაწყებული აქვს. 

მისივე  თქმით, 2014 წლის ბოლოს დოლარიზაციის კოეფიციენტი 70%-დან 58%-მდე შემცირდა. 
თუმცა, როგორც კაკაურიძე განმარტავს, ლარის დოლართან მიმართებაში გაუფასურებამ, შესაძლოა დოლარიზაციის კოეფიციენტის შემცირების მიმართულებით გარკვეული შეფერხებები გამოიწვიოს. 
„2014 წლის ბოლოს მდგომარეობით ისეთი სიტუაცია მივიღეთ, რომ დოლარიზაციის კოეფიციენტი 70%-დან დაახლოებით 58%-ზე ჩამოვიდა. ამას ხელს უწყობს თუნდაც ის, რომ ბიუჯეტში გათვალისწინებულია ეკონომიკის გრძელვადიანი სტიმულირებისთვის ფინანსური რესურსები, როდესაც სახაზინო ვალდებულებების გამოშვებით თანხას ვიღებთ და კომერციულ ბანკებს ვაძლევთ, რაც მათ საშუალებას აძლევთ, რომ უფრო გრძელვადიანი სესხები გასცენ ლარში.  იგივე ის პროგრამები, რომელიც სახელმწიფოს მიერ სუბსიდირებულია სოფლის მეურნეობის  და აწარმოე საქართველოს კუთხით. ესენიც ამას ხელს უწყობს. ჯამში ეს პროცესები მიმდინარეობდა. თუმცა, დოლარის მნიშვნელოვნად გამყარება მოხდა, რამაც შესაძლებელია გარკვეულ წილად დოლარიზაციის კოეფიციენტების შემცირების მიმართულებით შეფერხებები გამოიწვიოს“, - აღნიშნა კაკაურიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა