კონსტიტუციონალისტების განცხადებით, პრეზიდენტს პარლამენტისთვის მთავრობის ახალი შემადგენლობის წარდგენაზე უარის თქმის უფლებამოსილება არ აქვს.

როგორც კონსტიტუციონალისტმა ვახუშტი მენაბდემ „ექსპრესნიუსს“ განუცხადა, პრეზიდენტმა პარლამენტს მთავრობის ის ახალი შემადგენლობა უნდა წარუდგინოს, რომელიც პრემიერმა დაასახელა.

ამისთვის კი მას, მენაბდის თქმით, 5 დღე აქვს დარჩენილი.

„პრემიერი ვისაც დაასახელებს, პრეზიდენტმა ის უნდა წარუდგინოს პარლამენტს.  პრეზიდენტს არავითარი უფლებამოსილება არ აქვს, რომ უარი თქვას წარდგენაზე. ეს იქნება კონსტიტუციის დარღვევა“, – აღნიშნა მენაბდემ.

ამასთან, იმ შემთხვევაში თუ პრეზიდენტი დარჩენილი 5 დღის ვადაში პარლამენტს პრემიერის მიერ დასახელებულ მთავრობის ახალ შემადგენლობას არ წარუდგენს, კონსტიტუციონალისტმა ლევან ბოძაშვილმა განაცხადა: „მერე თუ ვინმე პარლამენტში გადაწყვეტს  იმპიჩმენტის პროცედურა დაიწყოს, დაიწყებენ იმპიჩმენტის პროცედურას. თუ არ გადაწყვეტენ, არაფერი არ მოხდება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი