უზენაესი სასამართლოს თავმჯდომარემ ნინო გვენეტაძემ პრეზიდენტს უზენაესი სასამართლოს მოსამართლეობის ორ ვაკანტურ თანამდებობაზე კანდიდატები წარუდგინა.

უკვე ცნობილია, რომ გიორგი მარგველაშვილი ნინო გვენეტაძის მიერ წარდგენილ ორ მოსამართლეს - მზია თოდუასა და ეკა გასიტაშვილს მხარს უჭერს. პრეზიდენტი იმედოვნებს, რომ პარლამენტი მათ მხარს დაუჭერს.

„როდესაც მე ნინო გვენეტაძე წარვადგინე, რა თქმა უნდა, მის კვალიფიკაციასთან და მის უნაკლო ბიოგრაფიასთან ერთად მნიშვნელოვანი იყო კიდევ ერთი გარემოება. მე მახარებდა, რომ ის ქალბატონია. ამ მიმართულებით დგამს კიდევ ერთ მნიშვნელოვან ნაბიჯს და ნინო გვენეტაძის მიერ წარმოდგენილ კიდევ ორ მოსამართლე ქალბატონს მხარს ვუჭერთ. ისინი პარლამენტს უახლოეს პერიოდში უნდა წარედგინოს განსაწესებლად. ესენი არიან მზია თოდუა და ეკა გასიტაშვილი. იმედი მაქვს, პარლამენტი კიდევ ერთხელ მხარს დაუჭერს ჩვენს ინიციატივას, გააძლიეროს სასამართლო კვალიფიციური პროფესიონალი მოსამართლეებით“, - განაცხადა გიორგი მარგველაშვილმა. 

აღნიშნული განცხადება პრეზიდენტმა იუსტიციის უმაღლეს სკოლაში გააკეთა, სადაც პრეზიდენტის სარეზერვო ფონდის მხარდაჭერით განხორცილებული პროექტის პრეზენტაციას დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს