პრემიერ-მინისტრის მოვალეობის შემსრულებელმა ირაკლი ღარიბაშვილმა სპორტისა და ახლაგაზრდობის მინისტრად ტარიელ ხეჩიკაშვილი დაასახელა.

ხეჩიკაშვილმა ლევან ყიფიანი შეცვალა, რომელმაც პრემიერ-მინისტრის გადადგომის თხოვნით რამდენიმე დღის წინ მიმართა. ყიფიანი მეშვიდე იყო ვინც მინისტრთა კაბინეტი დატოვა, შესაბამისად მთავრობას პარლამენტისგან ხელახალი ნდობის გამოცხადება დასჭირდა.

როგორც ღარიბაშვილმა აღნიშნა, ტარიელ ხეჩიკაშვილი ყველაფერს გააკეთებს, რომ ქართული სპორტის გაძლიერებას ხელი შეუწყოს.

„რაც შეეხება სპროტის და ახალგაზრდობის საქმეთა სამინისტროს, მინისტრის თანამდებობაზე წარმოგიდგენთ ბატონ ტარიელ ხეჩიკაშვილს. ბატონი ტარიელი გახლავთ პროფესიით სამართალმცოდნე. დღემდე იყო ერთ-ერთი უმსხვილესი და ძალიან წარმატებული საავტომობილო ჰოლდინგის, იბერია ბიზნესჯგუფის პრეზიდენტი, დამფუძნებელი. მისი ბიოგრაფიის დიდი ნაწილი სოწრედ სპორტულ სამყაროს უკავშირდებოდა. სწორედ მისი თაოსნობით შეიქმნა სპორტული მუზეუმის, სპორტის და ახალგაზრდობის საქმეთა სამინისტროში. სწორედ მან აღადგინა ეს მუზემუმი, განადგურების პირას მყოფი ექსპონატები და ბატონი ტარიელი წლების განმავლობაში იყო ქართული სპორტის ქომაგი. მას ძალიან დიდი ქველმოქმედება აქვს გაწეული სპორტის მიმართულებით.  იგი არის ძლიერი მენეჯერი და ფეხბურთის განვითარების სამთვარობო კომისიის წევრიც. ამავე დროს 7 შვილის მამა. ვუსურვებ წარმატებებს და მჯერა, რომ იგი ყველაფერს გააკეთებს, რომ ქართული სპორტის გაძლიერებას და ახალგაზრდობის მაქსიმალურ მხარდაჭერას შეუწყოს ხელი“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი