საქართველოს თავდაცვის უწყებას  თურქეთის რესპუბლიკის შეიარაღებული ძალების გენერალური შტაბისა და ეროვნული თავდაცვის სამინისტროს წარმომადგენლობითი დელეგაცია ესტუმრა.

უწყების ინფორმაციით, დელეგაციას, თურქეთის რესპუბლიკის შეიარაღებული ძალების გენერალური შტაბის სახმელეთო ძალების შტაბის უფროსის, გენერალ-ლეიტენანტ იჰსან უიარის ხელმძღვანელობით, თავდაცვის მინისტრმა მინდია ჯანელიძემ და საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ  უმასპინძლეს.

შეხვედრაზე ორ ქვეყანას შორის თავდაცვის სფეროში თანამშრომლობის მიმდინარე  და სამომავლო მიმართულებები განიხილეს. ქართულმა მხარემ თურქეთის  დელეგაციის საქართველოში ვიზიტის მნიშვნელობას გაუსვა ხაზი. საუბარი შეეხო უსაფრთხოების საკითხებში თანამშრომლობის გაღრმავებას.  მხარეები  მიმდინარე წელს ერთობლივი წვრთნების ჩატარებისა და სამხედრო განათლების სფეროში გამოცდილების გაზიარების თემასაც შეეხნენ.

თავდაცვის მინისტრთან და გენერალური შტაბის უფროსთან გამართულ შეხვედრებს თავდაცვის უწყების სხვა ხელმძღვანელი პირები დაესწრნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო