მამა მიქაელ ბოტკოველმა პატრიარქის მდივნის პოსტი დატოვა. ინფორმაცია ბოტკოველმა  „ექსპრესნიუსს“ დაუდასტურა. თუმცა, ის  ამ ეტაპზე  თანამდებობიდან გადადგომის მიზეზებზე საუბრისგან თავს იკავებს:

„შემდეგ ვისაუბრებ ამ საკითხებზე, ძალიან გთხოვთ, ნუ ჩამეძიებით, ახლა  არ მაქვს ამის განწყობა და სურვილი, ვისაუბრო ამ საკითხებზე“,-განაცხადა მამა მიქაელ ბოტკოველმა.

მან არც პატრიარქის დაცვის უფროსის ბრალდებასთან დაკავშირებით ისურვა კომენტარის გაკეთება და აღნიშნა, რომ ყველაფერს ერთად უპასუხებს.

„ექსპრესნიუსის“ კითხვაზე-პატრიარქს რა პოზიცია აქვს მის გადადგომასთან დაკავშირებით, ბოტკოველი ამბობს, რომ ილია მეორესთან ამ საკითხზე არ უსაუბრია.

ამასთან, მიქაელ ბოტკოველი დღეს  მამალაძის ადვოკატების პატრიარქთან შეხვედრას არ ადასტურებს:

 „არა, პატრიარქი შეხვდა წმინდა სინოდის წევრ მღვდელმთავრებს“,-აღნიშნა მამა მიქაელ ბოტკოველმა.

გარდა ამისა, მამა მიქაელ ბოტკოველი არ საუბრობს, შეხვდება თუ არა პატრიარქი გიორგი მამალაძეს.

„არ განხილულა ეს საკითხი, ნამდვილად ვერ დაგიდასტურებთ“,-განაცხადა მამა მიქაელ ბოტკოველმა.

ასევე,  ბოტკოველისთვის უცნობია, დაიკითხება თუ არა მდივან-რეფერენტი შორენა თეთრუაშვილი:

„ინფორმაცია არ მაქვს, განვაცხადე, რომ თუ იქნება ასეთი სურვილი, ქალბატონი შორენა მიიღებს მონაწილეობას“,-ამბობს მამა მიქაელ ბოტკოველი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი