საქართველოს გარემოსა და ბუნებრივი რესურსების დაცვის მინისტრი ელგუჯა ხოკრიშვილი, ნაირობიში, გარემოსდაცვითი ასამბლეის (UNEA) ბიუროს შეხვედრის ფარგლებში, გაეროს გარემოსდაცვითი პროგრამის აღმასრულებელ დირექტორს ახიმ შტაინერს შეხვდა.

გარემოს დაცვის სამინისტროს ინფორმაციით, გაეროს მეორე გენერალური ასამბლეის (UNEA-2) მოსამზადებელი საკითხების გარდა, შეხვედრაზე მხარეებმა განხილეს საქართველოსთვის მნიშვნელოვანი საკითხები, როგორიცაა UNEP-ის ხელშეწყობა საქართველოსთვის ეკოსისტემებისა და ბიომრავალფეროვნების ეკონომიკის (TEEB) კვლევის გაგრძელებაში, მწვანე ეკონომიკის შესაძლებლობების განვითარება და მდინარეების წყლის მინიმალური ეკოლოგიური ხარჯის გათვლის მეთოდოლოგია.

ასევე, მხარეებმა გარემოსდაცვითი კანონმდებლობის გაუმჯობესების და საქართველოში გარემოსდაცვითი პროგრამების დახვეწის მიზნით UNEP-ის ექსპერტების ჩართულობის საკითხზე იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა