2015-03-31 17:48:06, 367 ნახვა

---

თინა ხიდაშელი: მისასალმებელია, როცა პრეზიდენტი ახერხებს აკრიტიკოს ისე, რომ არავის უწოდოს მუმია

"ეს იყო საქართველოს პრეზიდენტის როგორც გამაერთიანებლის გამოსვლა და  არა რომელიმე პოლიტიკური პარტიის ლიდერის გამოსვლა, რაც  ძალიან დიდი იშვიათობაა ამ დარბაზში",-ასე შეაფასა   ფარქცია "რესპუბლიკელების" თავმჯდომარის მოადგილე თინა ხიდაშელმა  პრეზიდენტის პარლამენტში  ყოველწლიური მოხსენებით გამოსვლა.
"ეს იყო საქართველოს პრეზიდენტის გამოსვლა, როგორც გამაერთიანებლის და  არა რომელიმე პოლიტიკური პარტიის ლიდერის გამოსვლა და ეს ძალიან დიდი იშვიათობაა აქ, ამ დარბაზში.  ძალიან მისასალმებელია,  როდესაც ახერხებს ქვეყნის პრეზიდენტი, იყოს ქვეყნის პრეზიდენტი როგორც გამაერთიანებელი და არა დამქუცმაცებელი, არა გამხლეჩი.  აკრიტიკოს, ჰქონდეს საკუთარი აზრი,  პოზიცია, მაგრამ ეს ისე გამოთქვას, რომ არავის უწოდოს მუმია და აღარ გავაგრძელებ ახლა იმ ცნობილ ტერმინოლოგიას, რომელიც თბილისში ასეთი ტრიბიუნიან ხშირად გვესმოდა ხოლმე. ეს დიდი სიახლეა და ესეც არის დასტური იმ არჩევანის და სხვაობის, რომელიც დღევანდელმა ხელისუფლებამ წინასთან შედარებით გააკეთა",-განაცხადა თინა ხიდაშელმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი