ამერიკის შეერტებული შტატების პრეზიდენტის დონალდ ტრამპის ადმინისტრაციამ, რუსეთის წინააღმდეგ დაწესებული სანქციების მოხსნის თაობაზე შესაბამისი განკარგულება უკვე მოამზადა, - ამის შესახებ ატლანტიკური საბჭოს წევრი ფაბრის პოტიე Twitter-ის საკუთარ გვერდზე წერს.

"ვაშინგტონში მყოფმა წყაროებმა განაცხადეს, რომ ტრამპის ადმინისტრაციას, რუსეთის წინააღმდეგ არსებული სანქციების მოხსნის თაობაზე შესაბამისი განკარგულება მზად აქვს. ამერიკის პრეზიდნეტი გერმანიის კანლერ, ანგელა მერკელს დაელაპარაკება, რის შემდეგ შაბათს, რუსეთის პრეზიდენტ, ვლადიმერ პუტინთან საუბარი შედგება", - წერს პოტიე.

მისივე თქმით, თუ აღნიშნული ინფორმაცია დადასტურდა , ეს იქნება "დასავლეთის ყველაზე დიდი იმედგაცრუება, ბოლო წლების განმავლობაში. მაშინ როდესაც, აშშ რუსეთის მიერ რევანშული ნაბიჯების გადადგმას ეწინააღმდეგებოდა".

პოტიეს შეფასებით, აშშ-ის კონგრესმა და ევროპამ შესაბამისი რეაგირება უნდა მოახდინოს.

Reuters-ის ინფორმაციით, ხვალ დონალდ ტრამპსა და ანგელა მერკელს შორის სატელეფონო საუბარი შედგება. მედია საშუალება წყაროზე დაყრდნობით წერს, რომ ორი ლიდერის საუბრის თემა რუსეთი იქნება. თუმცა, მათივე ცნობით, ჯერ უცნობია, შეეხება თუ არა ეს რუსეთის წინააღმდეგ არსებული სანქციების გაუქმებას.

შეგახსენებთ, რომ ხვალ აშშ-სა და რუსეთის ფედერაციის პრეზიდენტების სატელეფონო საუბარი ხვალ შედგება. აღნიშნული ინფორმაცია, ოფიციალურმა კრემლმა უკვე დაადასტურა.

ცნობისთვის, ატლანტიკური საბჭო ვაშინგტონში მდებარე, გავლენიანი ანალიტიკური ცენტრია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო