2017-01-08 13:56:09, 2709 ნახვა
მსოფლიო
დონალდ ტრამპი რუსეთთან ურთიერთობის აღდგენის მოწინააღმდეგეებს
ამერიკის შეერთებული შტატების ახლადარჩეული პრეზიდენტი დონალდ ტრამპი რუსეთთან ურთიერთობის აღდგენის მოწინააღმდეგეებს "სულელებს" უწოდებს, - ამის შესახებ დონალდ ტრამპი Titter-ის საკუთარ გვერდზე წერს.
როგორც ტრამპმა აღნიშნა, ის რუსეთთან კარგი ურთიერთობის მომხრეა და "მხოლოდ სულელ და ბრიყვ ადამიანებს შეიძლება მიაჩნდეთ, რომ ეს ცუდია".
მისივე განმარტებით, მსოფლიოში ისედაც საკმარისი პრობლემა არსებობს და კიდევ ერთი საჭირო არ არის.
ტრამპი თვლის, რომ მისი ინაუგურაციის შემდეგ რუსეთი უფრო მეტ პატივისცემას გამოხატავს შეერთებული შტატებისადმი და შესაძლოა ვაშინგტონმა და მოსკოვმა მსოფლიო პრობლემების მოგვარებაზე ერთად იმუშავონ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
