გაერო-ს გენერალურმა ასამბლეამ სპეციალური ორგანოს შექმნას, რომელიც სირიის კონფლიქტის დროს სამხედრო და კაცობრიობის წინაშე ჩადენილ დანაშაულებებზე მტკიცებულებებს შეაგროვებს, მხარი დაუჭირა. 

არსებული ინფორმაციით, ახალ ორგანოს ინფორმაციის მოპოვება, გაანალიზება და შემდეგ მათი მტკიცებულებების სახით სასამართლოზე წარდგენა დაევალება.

მედიის ცნობით, რეზოლუციას  გენერალური ასამბლეის 105 წევრმა სახელმწიფომ დაუჭირა მხარი. 15 კი წინააღმდეგ გამოვიდა, მათ შორის რუსეთი, სირია, ირანი, ჩინეთი, კუბა და ვენესუელა. 52-მა ქვეყანამ კენჭისყრაში მონაწილეობისგან თავი შეიკავა. ამასთან, აღსანიშნავია, რომ დოკუმენტის ავტორები ლიხტენშტეინი და ყატარი იყვნენ. 

რეზოლუციის მიღების გამო უკმაყოფილება გაერო-ში სირიის მუდმივმა წარმომადგენელმა გამოთქვა. ბაშარ ჯაფარის განცხადებით, აღნიშნული დოკუმენტი გაერო-ს წევრი ქვეყნის საშინაო საქმეებში ჩარევაა. მისივე თქმით, ის კონფლიქტის მოგვარებას საფრთხეს უქმნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა