2016-11-30 11:47:20, 2686 ნახვა
მსოფლიო
ოჰაიოს უნივერსიტეტზე განხორციელებულ თავდასხმაზე პასუხისმგებლობა ISIS-მ აიღო
ოჰაიოს სახელმწიფო უნივერსიტეტზე განხორციელებულ თავდასხმაზე პასუხისმგებლობა “ისლამურმა სახელმწიფომ” აიღო, - ამის შესახებ BBC იუწყება.
მედიის ცნობით, დაჯგუფება თავდამსხმელს თავის მებრძოლს უწოდებს.
შეგახსენებთ, რომ ოჰაიოს უნივერსიტეტში 28 ნოემბერს მომხდარი ინციდენტის შედეგად 11 ადამიანი დაშავდა, თავად თავდამსხმელი კი პოლიციამ მოკლა. ის ამავე სასწავლებლის 18 წლის სტუდენტი, სომალელი ლტოლვილი აღმოჩნდა. აბდულ რაზაკ ალი არტანი აშშ-ში ლეგალურად ცხოვრობდა.
სტუდენტი საკუთარი ავტომობილით უნივერსიტეტის ტერიტორიაზე შევარდა და რამდენიმე ფეხით მოსიარულეს დაეჯახა, რის შემდეგაც იქ მყოფ ხალხს დანით დაესხა თავს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
