კიევის რაიონულმა სასამართლომ უკრაინის ყოფილი პრეზიდენტის ვიქტორ იანუკოვიჩის დაკითხვა დაიწყო, - ამის შესახებ იფნრომაციას უკრაინული მედია ავრცელებს.

მედია საშუალების ცნობით, იანუკოვიჩი როსტოვის საოლქო სასამართლოში იმყოფება და კიევის სასამართლოს ვიდეოკავშირით ერთვება.

როგორც მედია წერს, დაკითხვისთვის 3,5 საათია გათვალისწინებული. უკრაინის გენერალური პროკურორის იური ლუცენკოს განცხადებით, ყოფილი პრეზიდენტი სახელმწიფო ღალატში ეჭვმიტანილად გამოცხადდა. 

მედიის ინფორმაციით, ვიქტორ იანუკოვიჩის ჩვენება ვიდეოტრანსლაციის საშუალებით 25 ნოემბერს უნდა მიეცა, თუმცა დაკითხვა გადაიდო დარბაზში საქმეზე ბრალდებული სპეცრაზმელების გამოუცხდებლობის გამო.  ბრალდებულთა სასამართლოში გადაყვანა აქციის მონაწილეების მიერ წინასწარი დაკავების იზოლატორის ბლოკირების გამო გახდა შეუძლებელი.

ცნობისთვის, უკრაინის ყოფილი პრეზიდენტის ვიქტორ იანუკოვიჩის დაკითხვა 2014 წლის თებერვალში მაიდანზე აქტივისტების დახვრეტის საქმესთან დაკავშირებით უნდა ჩატარებულიყო. პროცესზე ბრალდებულია სპეცდანიშნულების რაზმის “ბერკუტის” 5 ყოფილი თანამშრომელი. მათ ბრალად ევრომაიდნის აქტივისტებისთვის ცეცხლის გახსნა ედებათ. 

აღნიშნულ საკითხზე ჩვენება უკვე მისცა მოქმედმა პრეზიდენტმა პეტრო პოროშენკომ. მისი დაკითხვა უკრაინის გენერალურ პროკურატურაში 6 საათის განმავლობაში მიმდინარეობდა.

ამჟამად უკრაინის გენერალური პროკურატურა 8 საქმეს იძიებს, რომლებშიც ვიქტორ იანუკოვიჩი მთავარი ეჭვმიტანილია.

შეგახსენებთ, რომ კიევში 2014 წლის თებერვალში მომხდარ მოვლენებს 100-ზე მეტი ადამიანი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება