ქაშმირში დასახლებულ პუნქტებსა და სამგზავრო ავტობუსებს ინდოეთის მხარემ ცეცხლი გაუხსნა, რის შედეგადაც 11 ადამიანი გარდაიცვალა, - ამის შესახებ ინფორმაციას პაკისტანის ხელისუფლება ავრცელებს.

როგორც პაკისტანის მხარე აცხადებს, მათ ინდოეთის არმიის პოზიციებზე საპასუხო დარტყმები განახორციელეს.

თავის მხრივ ინდოეთის ხელისუფლება ამტკიცებს, რომ ცეცხლის შეწყვეტის შესახებ შეთანხმება პირველმა პაკისტანმა დაარღვია.

ცნობისთვის, ვითარება ქაშმირში 4 თვის წინ გამწვავდა. 8 ივლისს ინდოელმა სამხედროებმა ადგილობრივი შეიარაღებული დაჯგუფებების ერთ-ერთი ლიდერი მოკლეს, რასაც მასობრივი არეულობა მოჰყვა, რის შედეგადაც ათობით ადამიანი გარდაიცვალა.

ჯამუ და ქაშმირი ინდოეთის ერთადერთი შტატია, სადაც მოსახლეობის უმრავლესობა ისლამის მიმდევარია. ის არის სადავო ქაშმირის რეგიონის ნაწილი, რომლის გამოც კონფლიქტი ინდოეთსა და პაკისტანს შორის 1947 წლიდან გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს