2016-11-21 15:39:50, 2307 ნახვა
მსოფლიო
საფრანგეთის შს მინისტრის ინფორმაციით, სამართალდამცველებმა ტერაქტი აღკვეთეს
საფრანგეთის შინაგან საქმეთა მინისტრმა ბერნარ კაზნევმა ტერაქტის აღკვეთის შესახებ განაცხადა, - ამის შესახებ ინფორმაციას France24 ავრცელებს.
როგორც კაზნევმა აღნიშნა, სტრასბურგსა და მარსელში 7 ადამიანი დააკავეს, რომლებიც სავარაუდოდ თავდასხმას გეგმავდნენ.
მისივე თქმით, “დაკავებების შედეგად შესაძლებელი გახდა ტერაქტის აღკვეთა, რომელიც დიდი ხნის განმავლობაში იგეგმებოდა”.
მედია საშუალების იფნორმაციით, ეჭვმიტანილებს შორის ავღანეთის, მაროკოსა და საფრანგეთის მოქალაქეები არიან. დაკავებულთა ასაკი 29-დან 37 წლამდეა.
მინისტრის ინფორმაციით, დაკავებულთაგან 6 პირი აქამდე სპეცსამსახურების მეთვალყურეობის ქვეშ არ მოხვედრილა.
საფრანგეთის შინაგან საქმეთა სამინისტროს მონაცემებით, მხოლოდ ნოემბერში კონტრტერორისტული ღონისძიებების შედეგად პოლიციამ 43 ადამიანი დააკავა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
