მოზამბიკის ჩრდილოეთ ნაწილში ბენზინმზიდის აფეთქების შედეგად 73 ადამიანი გარდაიცვალა, 110 კი დაშავდა, - ამის შესახებ ინფორმაციას BBC ავრცელებს.

მედია საშუალების ცნობით, დაშავებულები ახლომდებარე საავადმყოფოებში არიან გადაყვანილი. მათი ნაწილის მდგომარეობა მძიმეა.

როგორც ადგილობრივი ხელისუფლების წარმომადგენლები აცხადებენ, სავსე ბენზინმზიდი ავტოსაგზაო შემთხვევის შედეგად გადატრიალდა.

BBC-ის ინფორმაციით, ადგილობრივი მოსახლეობა ბენზინმზიდის ავზიდან საწვავის ამოღებას ცდილობდა,  რა დროსაც აფეთქება მოხდა.

ცნობისთვის, მოზამბიკი  მსოფლიოს ერთ-ერთი უღარიბესი ქვეყანაა. 24 მილიონიანი მოსახლეობის თითქმის ნახევარი სიღარიბის ზღვარს მიღმაა. 1992 წელს სამოქალაქო ომის დასრულების შემდეგ მოზამბიკში მწვავე ეკონომიკური კრიზისი დაიწყო, რომელიც დღემდე გრძელდება. ბოლო პერიდოში ნაციონალური ვალუტის მკვეთრი გაუფასურების გამო, მთავრობამ  საწვავის ფასი გაზარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო