მოსკოვის სასამართლომ რუსეთის ეკონომიკური განვითარების მინისტრ ალექსეი ულიუკაევს ორთვიანი წინასწარი შინაპატიმრობა მიუსაჯა, - ამის შესახებ "რია-ნოვოსტი" იუწყება.

მედია საშუალების ინფორმაციით, რუსეთის საგამოძიებო კომიტეტმა ულიუკაევს 2 მილიონი დოლარის ოდენობის ქრთამის აღებაში ბრალი 15 ნოემბერს წაუყენა. მინისტრის დაკითხვა 5 საათის განმავლობაში გრძელდებოდა.

ამასთან, როგორც "რია-ნოვოსტი" წერს, სასამართლო სხოდმაზე ულიუკაევმა დანაშაული არ აღიარა, თუმცა გამოძიებასთან თანამშრომლობის მზადყოფნა გამოთქვა.

საგამოძიებო ორგანოების წარმომადგენლების თქმით, მინისტრი ქრთამის აღების მომენტში დააკავეს, რასაც თვითმხილველები ადასტურებენ.

საგამოძიებო კომიტეტის მიერ გამოქვეყნებული ინფორმაციის თანახმად, ულიუკაევმა 2016 წლის 14 ნოემბერს კომპანია "როსნეფტისგან" დადებითი შეფასების სანაცვლოდ 2 მილიონი დოლარის ოდენობის ქრთამი აიღო, რამაც კომპანიას მისცა საშუალება  "ბაშნეფტის" აქციების სახელმწიფო პაკეტი შეეძინა. ულიუკაევს ფული საგამოძიებო ექსპერიმენტის ფარგლებში გადასცეს. აქედან გამომდინარე, გამოძიებას არ აქვს პრეტენზიები კომპანია "როსნეფტის" ხელმძღვანელობასთან.

რუსეთის პრემიერ-მინისტრის დიმიტრი მედვედევის განკარგულებით, ეკონომიკური განვითარების მინისტრის მოვალეობებს მისი მოადგილე ევგენი ელინა შეასრულებს.

როგორც კრემლის პრესსმდივანმა დიმიტრი პესკოვმა განაცხადა, ვლადიმერ პუტინი ულიუკაევის წინააღმდეგ ოპერატიული საგამოძიებო ექსპერიმენტის დაწყების შესახებ ინფორმირებული იყო.

აღნიშნულ საქმეზე გამოძიება ისევ მიმდინარეობს. სამართალდამცველების ინფორმაციით, საქმეში შესაძლოა კიდევ 7 ადამიანი ფიგურირებდეს, რადგან მსგავსი მასშტაბის საქმეს ერთი ადამიანი ვერ განახორციელებს.

ცნობისთვის, ალექსეი ულიუკაევი რუსეთის ეკონომიკური განვითარების მინისტრის თანამდებობას 2013 წლის ივნისიდან იკავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი