ათენის ცენტრში პოლიციამ აშშ-ის პრეზიდენტის მოვალეობის შემსრულებლის ბარაკ ობამას წინააღმდეგ გამართული საპროტესტო აქციის მონაწილეები ცრემლსადენი გაზის გამოყენებით დაშალა, - ამის შესახებ BBC იუწყება.

როგორც მედია საშუალება წერს, ათენში ბარაკ ობამას ვიზიტის გასაპროტესტებლად აქციაში 3 000-მდე მოქალაქე მონაწილეობდა.

მედიის ინფორმაციით, ვითარება მაშინ დაიძაბა, როდესაც აქციის მონაწილეების ჯგუფმა პოლიციის კორდონის გარღვევა სცადა. ახალგაზრდებს ხელში ე.წ. მოლოტოვის კოქტეილები და ხელკეტები ეჭირათ.

BBC-ის ცნობით, შეტაკების შედეგად არავინ დაშავებულა.

თავდაპირველად დემონსტრანტები აშშ-ის საელჩომდე საპროტესტო მსვლელობის გამართვას გეგმავდნენ, თუმცა ხელისუფლებამ უსაფრთხოების მიზნით ქალაქის ცენტრში აქცია აკრძალა.

ცნობისთვის, დემონსტრაცია პარტია “ნაციონალური ერთიანობის” მიერ იყო ორგანიზებული. აქციის ორგანიზატორები მიიჩნევენ, რომ ახლო აღმოსავლეთში აშშ-ის ინტერვენციამ სისხლისღვრა და მიგრაციული კრიზისი გამოიწვია.

შეგახსენებთ, რომ ბარაკ ობამა აშშ-ის პრეზიდენტის რანგში ევროპაში ფინალურ ტურნეს მართავს. ობამამ მოლაპარაკებები საბერძნეთის პრემიერ-მინისტრ ალექსის ციპრასთან და პრეზიდენტ პროკოპის პავლოპულოსთან გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება