ამერიკელ დიპლომატებს რუსეთში, საარჩევნო უბანზე დასწრების უფლება აღარ ექნებათ, - ამის შესახებ BBC-ი იუწყება.

როგორც მედია საშუალება წერს, აღნიშნულთან დაკავშირებით დიპლომატიურ ნოტაშია საუაბრი, რომელიც რუსეთის საგარეო საქმეთა სამინისტრომ ამერიკულ მხარეს უკვე გადასცა.

რუსეთის საგარეო უწყება ამტკიცებს, რომ აშშ-ში მომუშავე რუს დიპლომატებს საპრეზიდენტო არჩევნებზე დასწრების უფლება არ მისცეს. რუსეთის საგარეო საქმეთა მინისტრის მოადგილის, სერგეი რიაბკოვის შეფასებით, მსგავსი შეზღუდვა მიუღებელია.

მანამდე, რუსეთის საგარეო უწყების ოფიციალურმა წარმომადგენელმა მარია ზახაროვამ განაცხადა, რომ ვაშინგტონმა აშშ-ში რუსეთის დიპლომატიური მისიის თანამშრომლებს „საარჩევნო უბნებთან მიახლოება“ აუკრძალა. ზახაროვას მტკიცებით, მოხდა რუსი დიპლომატების დაშინებაც.

რიაბკოვის თქმით, ამერიკულ მხარეს არ უნდა ჰქონდეს მოლოდინი, რომ სამომავლოდ, რუსეთში ჩატარებულ არჩევნებზე ამერიკელ დიპლომატებს დასწრების უფლება მიეცემათ.

რუსული მხარე ამტკიცებს, რომ აშშ-ის გამოძიებათა ფედერალური ბიურო აშშ-ში რუსეთის ოფიციალურ დაწესებულებებზე ზეწოლას ახდენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო