გერმანიის რამდენიმე ქალაქში ინტიტერორისტული ოპერაცია მიმდინარეობს, - ამის შესახებ ინფორმაციას გერმანული გამოცემა Deutsche Welle ავრცელებს.

როგორც მედია საშუალება იუწყება, სპეცოპერაციის დროს სამართალდამცველებმა ჩეჩნების ჯგუფი დააკავეს. არსებული ინფორმაციით, ჯგუფის წევრები ტერორისტული საქმიანობის დაფინანსებაში არიან ეჭვმიტანილები.

გამოცემის ინფორმაციით, 2015 წლიდან პოლიცია რუსეთის მოქალაქეს, 28 წლის ეთნიკურ ჩეჩენს აკვირდებოდა, რომელიც, გამოძიების თანახმად, სირიაში გამგზავრებას და დაჯგუფება „ისლამური სახელმწიფოს“ რიგებში გაწევრიანებას გეგმავდა.

გამოძიების დროს პოლიციელებმა დაადგინეს, რომ 10 ჩეჩენი მამაკაცი და 3 ქალი, სავარაუდოდ, ტერორისტებს ფინანსურ დახმარებას უწევდნენ.

Deutsche Welle-ს ცნობით, ეს პირები "ისლამურ სახელმწიფოში" გაწევრიანებას გეგმავდნენ.

ამასთან, როგორც სამართალდამცველებისთვის არის ცნობილი, გერმანიაში რაიმე ტერორისტული აქტის მცდელობა არ იგეგმება.

ცნობისთვის, გერმანიაში საგანგებო მდგომარეობაა გამოცხადებული, მას შემდეგ რაც ივლისში 2 თავდასხმა განხორციელდა, რომლებზეც პასუხისმგებლობა "ისლამურმა სახელმწიფომ" აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო