თურქეთის სამხრეთ აღმოსავლეთ ნაწილში საკონტროლო-გამშვებ პუნქტთან დანაღმული ავტომობილი აფეთქდა, რის შედეგადაც სულ მცირე 18 ადამიანი, მათ შორის 10 სამხედრო გარდაიცვალა, - ამის შესახებ ინფორმაციას BBC ავრცელებს.

პრემიერ-მინისტრ ბინალი ილდირიმის განცხადებით, აფეთქდა სატვირთო მანქანა, რომელშიც ხუთი ტონა ასაფეთქებელი ნივთიერება იყო მოთავსებული. 

მედიის ცნობით, აფეთქების შედეგად 27 ადამიანი დაშავდა. 

აფეთქება ერაყისა და ირანის საზღვართან, მთიან რაიონში მოხდა, სადაც აქტიურად მოქმედებენ “ქურთისტანის მუშათა პარტიის” წევრები.

როგორც მედია წერს, აფეთქებაზე პასუხისმგებლობა ჯერ არავის აუღია.

ჰაკარის პროვინციის გუბერნატორის ინფორმაციით, თავდამსხმელებმა ჯერ სამხედროებს ცეცხლი გაუხსნეს, შემდეგ კი სატვირთო მანქანა ააფეთქეს.

თურქეთის ხელისუფლებასა და ქურთ ამბოხებულებს შორის სამშვიდობო შეთანხმება 2015 წლის ივლისში დაირღვა. მას შემდეგ ქვეყნის სამხრეთ-აღმოსავლეთ ნაწილში შეტაკებებს ასობით ადამიანი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო