ევა გოცირიძის განცხადებით, გვარამიასა და ახვლედიანის საუბრის ჩანაწერში კორუფციის ნიშნები იკვეთება

2016-10-05 12:22:50, 1644 ნახვა

სამართალი კომენტარი

იუსტიციის უმაღლესი საბჭოს წევრის ევა გოცირიძის განცხადებით, მნიშვნელობა არ აქვს, ვისი ინიციატივით შედგა „რუსთავი 2“-ის გენერალური დირექტორის ნიკა გვარამიასა თბილისის საქალაქო სასამართლოს ყოფილი თავჯდომარის მამუკა ახვლედიანის შეხვედრა, რადგან ეს პროფესიული დისციპლინის დარღვევაა.

როგორც გოცირიძემ აღნიშნა, გავრცელებულ ჩანაწერში კორუფციის ნიშნები იკვეთება.

"არ აქვს მნიშვნელობა ვისი ინიციატივით მოხდა სასამართლოს თავმჯდომარესთან კომუნიკაცია. ამ ფაქტის დაშვება სამოსამართლეო დისციპლინის სერიოზული დარღვევა. იქ იყო ამაზრზენი და ყოვლად მიუღებელი ამბები, კერძოდ,შეთავაზება სამსახურიდან სკანდალური გადადგომის თაობაზე და სანაცვლოდ გარკვეული დახმარების დაპირება. ეს კორუფციას ჰგავს და უფრო მეტიც, ეს არის სასამართლოს ჩართვა პოლიტიკურ პროცესებში, რომელიც ყოვლად მიუღებელია", - განაცხადა გოცირიძე.

ცნობისთვის, იუსტიციის საბჭოს საგანგებო სხდომა მიმდინარეობს, რომელზეც ნიკა გვარამიასა და მამუკა ახვლედიანის გავრცელებული აუდიო ჩანაწერი განიხილება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან