ევროკავშირმა რუსეთის წინააღმდეგ პერსონალური სანქციები 146 ფიზიკური პირისა და 37 კომპანიის წინააღმდეგ ოფიციალურად გაახანგრძლივა. 

აღნიშნულ ფიზიკურ და იურიდიულ პირებს ბრიუსელი უკრაინის ტერიტორიული მთლიანობის დარღვევაზე პასუხისმგებლებად მიიჩნევს. სანქციების მოქმედების ვადა 2017 წლის მარტამდე გახანგრძლივდა.

ე.წ. "შავ სიაში" მოხვდნენ მილიარდერები არკადი როტენბერგი და იური კოვალჩუკი, ბიზნესმენები კონსტანტინ მალოფეევი და ნიკოლაი შამალოვი, ასევე სახელმწიფო დუმის დეპუტატები და ფედერაციის საბჭოს წევრები სერგეი ჟელეზნიაკი, სერგეი მირონოვი, ლეონიდ სლუცკი და სხვები.

პერსონალური სანქციები სავიზო შეზღუდვებსა და ევროკავშირის ტერიტორიაზე განთავსებული აქტივების დაყადაღებას ითვალისწინებს.

შეგახსენებთ, რომ ევროკავშირმა რუსეთის წინააღმდეგ პერსონალური სანქციები 2014 წლის მარტში დააწესა. ამას გარდა, ბრიუსელს დაწესებული აქვს სექტორალური შეზღუდვები, რომლებიც 2017 წლის 31 იანვრამდე მოქმედებს, ასევე სანქციების ანექსირებული ყირიმის წინააღმდეგ, რომელთა მოქმედების ვადა 2017 წლის 23 ივნისს იწურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა