აშშ-ის დემოკრატიული პარტიის ნაციონალური კომიტეტის სერვერებზე მორიგი კიბერშეტევა განხორციელდა. ამის შესახებ პარტიის წარმომადგენელმა დონა ბრაზილმა განაცხადა, - ამის შესახებ ინფორმაციას სააგენტო Reuters ავრცელებს. 

მისი თქმით, ჰაკერებს სავარაუდოდ გარკვეული დოკუმენტები ჩაუვარდათ ხელში. დემოკრატები სერვერის გატეხვაში კვლავ რუსეთს ადანაშაულებენ.

"დემოკრატიული პარტიის ნაციონალური კომიტეტი კვლავ რუსეთის მიერ დაფინანსებული ჰაკერების უკანონო კიბერშეტევის მსხვერპლი გახდა. ისინი ცდილობენ დემოკრატიული პარტია და პროგრესული ჯგუფები დააზარალონ და საპრეზიდენტო არჩევნებზე გავლენა იქონიონ", - განაცხადა ბრაზილმა.

ბრაზილის განმარტებით, ჰაკერების დანაშაულებრივი ქმედებების შედეგად სარგებელს რესპუბლიკელი კანდიდატი დონალდ ტრამპი იღებს.

Reuters-ის ინფორმაციით, დემოკრატიული პარტიის სერვერზე კიბერშეტევაზე სავარაუდოდ რუმინელმა  ჰაკერმა აიღო პასუხისმგებლობა, რომელიც Guccifer 2.0-ის სახელით მოქმედებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა