კრემლის სპიკერი, დმიტრი პესკოვი გამოეხმაურა Reuters-ის გავრცელებულ ცნობას, რომლის მიხედვითაც ვლადიმირ პუტინი თანახმაა ომის დასრულებისთვის, თუ მიიღებს წერილობით გარანტიას, რომ უკრაინა, საქართველო, მოლდოვა და სხვა პოსტსაბჭოთა ქვეყნები NATO-ში არ გაწევრიანდებიან. პესკოვი ცნობას უარყოფს და ირწმუნება, რომ საქართველოს საკითხს უკრაინასთან მოლაპარაკებების დროს ვერ განიხილავენ.

"ახლა ბევრ რაღაცას ფიქრობენ. ხშირად ამის დიდი ნაწილი აბსოლუტურად მცდარი, ან ფეიკი, ან ცხადი ტყუილია. ამ ყველაფერთან ძალიან ფრთხილი მიდგომაა საჭირო, იმ გაგებით, რომ მიმდინარეობს პოზიციების, მიდგომების გაცვლა." - თქვა პესკოვმა.

"როგორ შევძლებთ საქართველოს განხილვას უკრაინასთან მოლაპარაკებებზე? ეს ორმხრივი, პირდაპირი მოლაპარაკებებია." - დაამატა კრემლის სპიკერმა ჟურნალისტებთან საუბრის დროს.

პესკოვმა ასევე აღნიშნა, რომ შესათანხმებელი დოკუმენტების საჯაროდ განხილვას არ აპირებენ.

"ჩვენ [საჯაროდ] არ განვიხილავთ შესათანხმებელი დოკუმენტების შინაარსს. ვთვლით, რომ ეს დისკრეტულ რეჟიმში, არასაჯაროდ უნდა ხდებოდეს. პრესის მეშვეობით გარკვეული პოზიციების გაცვლა ძალიან არასწორი იქნებოდა." - თქვა კრემლის სპიკერმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი