გერმანია უკრაინაში შორ მანძილზე მოქმედი რაკეტების წარმოებას დააფინანსებს, -ამის შესახებ გერმანიის კანცლერმა, ფრიდრიხ მერცმა ბერლინში, უკრაინის პრეზიდენტთან, ვოლოდიმირ ზელენსკისთან ერთად გამართულ პრესკონფერენციაზე განაცხადა.

Taurus-ის რაკეტების უკრაინისთვის გადაცემის შესახებ დასმულ შეკითხვაზე, გერმანიის კანცლერმა, ფრიდრიხ მერცმა უპასუხა, რომ გერმანია გეგმავს შორ მანძილზე მოქმედი რაკეტები უკრაინასთან ერთად აწარმოოს.

„შემიძლია ვთქვა, რომ ჩვენი სამხედრო მხარდაჭერა გაგრძელდება და გაფართოვდება, რათა უკრაინამ ახლაც და მომავალშიც რუსული აგრესიისგან თავის დაცვა შეძლოს. ამასთან დაკავშირებით, მინდა ვთქვა, რომ უკრაინისთვის Starlink-ის მნიშვნელოვან ნაწილს დავაფინანსებთ“, - განაცხადა ფრიდრიხ მერცმა.

მისი თქმით, გერმანიას უკრაინაში მუდმივი მშვიდობა სურს.

„ჩვენი თავდაცვის მინისტრები შორ მანძილზე მოქმედი რაკეტების შესახებ მემორანდუმს გააფორმებენ. რაკეტების მოქმედების მანძილზე შეზღუდვები არ იქნება, რათა უკრაინამ საკუთარი თავის დაცვა შეძლოს“, - აღნიშნა გერმანიის კანცლერმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი