სამართლიანი არჩევნებისა და დემოკრატიის საერთაშორისო საზოგადოებამ (ISFED-მა) აღმასრულებელი დირექტორის პოზიციაზე ვაკანსია გამოაცხადა. ორგანიზაციის ამჟამინდელ ხელმძღვანელ ნინო დოლიძეს უფლებამოსილების ვადა ეწურება. ამის შესახებ მან თავადაც დაწერა საჯაროდ სოციალურ ქსელში.

"მინდა გაცნობოთ, რომ ჩემი, როგორც “სამართლიანი არჩევნების” აღმასრულებელი დირექტორის უფლებამოსილების ვადა იწურება. ჩემთვის ძალიან რთულია ჩვენი ქვეყნისთვის ამ გარდამტეხ მომენტში ორგანიზაციის დატოვება, მაგრამ ეს არის წესი; და ისფედი იმიტომ არის ისფედი, რომ დაარსებიდან დღემდე, 30 წლის განმავლობაში, არასოდეს უღალატია წესებისთვის და იცავს ორგანიზაციის შიდადემოკრატიას. ამით ვამაყობთ!

ჩემზე, ისფედზე და ამ ოთხ წელზე მოგვიანებით დავწერ, ახლა კი ჩემთვის ყველაზე მნიშვნელოვანია ამ პოზიციაზე შეირჩეს გაბედული, კვალიფიციური და მებრძოლი ადამიანი. ისფედი კვლავაც იდგება საქართველოს დემოკრატიის, თავისუფალი და სამართლიანი არჩევნების, ადამიანის უფლებების დაცვისა და ჩვენი ქვეყნის უკეთესი მომავლისთვის ბრძოლის წინა ხაზზე. არაერთი სირთულე გამოიარა და ამასაც გაივლის. მე არსად მივდივარ, ვრჩები ამ ბრძოლაში. და მჯერა, ქართველი ხალხი გაიმარჯვებს. სიბნელეს აუცილებლად მოჰყვება სინათლე! P. S. ახლის შერჩევამდე აქ ვარ", - წერს ნინო დოლიძე.

ISFED-ის მიერ გამოცხადებული ვაკანსიის მიხედვით, აღმასრულებელი დირექტორი პასუხისმგებელია ორგანიზაციის მართვაზე. მან უნდა უზრუნველყოს ორგანიზაციის გრძელვადიანი სტრატეგიის, მიზნებისა და ამოცანების შესრულება, ასევე, პროგრამებისთვის შესაბამისი დაფინანსების წყაროების მოძიება, დაინტერესებულ მხარეებთან სანდო სამუშაო ურთიერთობის დამყარება და შენარჩუნება.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი