ოთხი ადამიანი დაიღუპა და ერთი დაიჭრა ოდესის პორტში რუსული ბალისტიკური რაკეტით განხორციელებული თავდასხმის შედეგად, რაკეტა მარცვლეულით დატვირთულ გემს მოხვდა, რომელიც ალჟირში მიემართებოდა.

ამის შესახებ იტყობინება ოდესის სამხედრო ადმინისტრაციასთან არსებული საზოგადოებრივი საბჭოს თავმჯდომარე სერგეი ბრაჩუკი, უკრაინის პორტების ადმინისტრაციის მონაცემებზე დაყრდნობით.

გავრცელებული ფოტოებისა და ინფორმაციის მიხედვით, თავდასხმა რუსული რაკეტა "ისკანდერით" განხორციელდა კასეტური საბრძოლო მუხტით.

სატვირთო გემი MJ Pinar ბარბადოსის დროშის ქვეშ ცურავს, მისი ოპერატორი ბერძნული კომპანიაა, წერს გამოცემა The Maritime Executive.

თავდასხმის დროს გემი ოდესის პორტში 30 ტონა მარცვლეულით დატვირთული იდგა. ეკიპაჟის ოთხი დაღუპული წევრი სირიის მოქალაქეა, დაჭრილია ერთი უკრაინის, ერთიც სირიის მოქალაქე. ეკიპაჟი სულ 12 ადამიანისგან შედგება.

გემის გარდა დაზიანებულია პორტის ინფრასტრუქტურა.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს