თბილისის საქალაქო სასამართლოში, აქციების დროს სისხლის სამართლის წესით დაკავებული 11 პირის:ანდრო ჭიჭინაძის, ონისე ცხადაძის, გურამ მირცხულავას, ლუკა ჯაბუას, ჯანო არჩაიას, რუსლან სივაკოვის, ვალერი თეთრაშვილის, გიორგი ტერიშვილის, ირაკლი ქერაშვილის, რევაზ კიკნაძისა და სერგეი კუხარჩუკის სასამართლო პროცესი გაიმართა - საქმე მოსამართლე ირაკლი შვანგირაძე განიხილა. 

საქმეზე შემდეგი წინასასამართლო სხდომა 25 მარტს, 13:00 საათზე მხარეების რეპლიკებით განახლდება.

დღევანდელ სხდომაზე მტკიცებულებების დასაშვებობაზე იმსჯელეს. დაცვის მხარემ ბრალდების მხარის მტკიცებულებების დაუშვებლობა მოითხოვა, თავის მხრივ პროკურატურამ ადვოკატების რამდენიმე მტკიცებულების დაუშვებლობის შუამდგომლობა დააყენა.

მოსამართლეს მტკიცებულებების დასაშვებობაზე გადაწყვეტილება დღევანდელ სხდომაზე არ მიუღია.

პროცესი ნაწილობრივ დახრულ რეჟიმში ჩატარდა. დაცვის მხარემ მოსამართლეს სხდომის გახსნის შუამდგომლობით მიმართა.

წინა სასამართლო სხდომიდან, რომელიც 5 მარტს გაიმართა, ერთ-ერთი ბრალდებული ჯანო არჩაია გააძევეს, სხდომა ნაწილობრივ დაიხურა. ადვოკატებმა დღევანდელ, 10 მარტის შუამდგომლობაში განმარტეს, რომ დღევანდელ სხდომაზე აღარ არსებობს არანაირი ფაქტობრივი საფუძველი, რომ პროცესი დახურული იყოს. მოსამართლემ დაცვის მხარის შუამდგომლობა არ დააკმაყოფილა.

შვანგირაძემ გადაწყვეტილება "წესრიგის დაცვის" მოტივით დაასაბუთა. მისივე თქმით, ნაწილობრივ დახურვით, სხდომის საჯაროობა არ ირღვევა.

პროცესს ბრალდებულების ოჯახის წევრები და მეგობრები ვერ დაეწსრნენ.

11-ვე დაკავებულს ბრალი საქართველოს სისხლის სამართლის კოდექსის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს. მუხლი სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს. წარდგენილ ბრალდებას არცერთი მათგანი არ აღიარებს. 

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება