შუახევის მუნიციპალიტეტში, ინფრასტრუქტურული პროექტების ფარგლებში, მეწყერსაწინააღმდეგო ღონისძიებები აქტიურად მიმდინარეობს. ამის შესახებ ინფორმაციას შუახევის მერია ავრცელებს.

მერიის ცნობით, მიმდინარე წელს, კედლის მოწყობა დაგეგმილია 65-ზე მეტ ლოკაციაზე, რისთვისაც ადგილობრივი ბიუჯეტიდან 1 805 018 ლარამდე დაიხარჯება.

"სამუშაოები ერთდროულად სხვადასხვა სოფლებში მიმდინარეობს, რამდენიმე ლოკაციაზე უკვე დასრულებულია. 10-ზე მეტ ღონისძიებაზე გამოცხადებულია ტენდერი, პარალელურად ხორციელდება შესყიდვები პროექტებისა, რომლებიც ტენდერების დასრულებისა და პროცედურების გავლის  შემდეგ განხორციელდება.

პროექტის ფარგლებში მიმდინარე  და დასრულებულ  სამუშაოებს შუახევის მერი ომარ ტაკიძე, პირველ მოადგილესთან, მირიან აბაშიძესთან და  საკრებულოს თავმჯდომარის მოადგილე გიორგი კეკელიძესთან  ერთად, დაბა შუახევში და სოფელ ნიგაზეულში გაეცნო.

დაბაში, რუსთაველის ქუჩაზე აშენდა ფერდსამაგრი კედელი და მიმდინარეობს სანიაღვრე არხის მოწყობა. აქვე დაგეგმილია საცხოვრებელი სახლის გადახურვა და გარე ფასადის სარეაბილიტაციო სამუშაოები, რაზეც ტენდერი უკვე გამოცხადებულია.

სოფელ ნიგაზეულში პროექტის ფარგლებში დასრულდა მეწყერსაწინააღმდეგო სამუშაოები",- აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს