ბათუმი სამედიცინო ტურიზმის პირველ საერთაშორისო B2B (business to business) დღეებს მასპინძლობს.

აჭარის ჯანდაცვის სამინისტროს ინფორმაციით, ღონისძიება სასტუმრო „ვინდჰემ ბათუმში“ დღეს გაიხსნა და ორ დღეს გაგრძელდება.

B2B დღეების მიზანია საქართველოში სამედიცინო ტურიზმის განვითარების ხელშეწყობა ქართული კლინიკების უშუალო მონაწილეობით.

B2B დღეების გახსნის ღონიძიებაზე მონაწილეებს სიტყვით მიმართა აჭარის ჯანდაცვის მინისტრმა. ზაალ მიქელაძემ სამედიცინო ტურიზმის დღეების მნიშვნელეობაზე ისაუბრა.

„საქართველოში ჯანდაცვის რეფორმამ და საყოველთაო ჯანდაცვის პროგრამის ამოქმედებამ კერძო სექტორის განვითარებას დიდი შესაძლებლობა მისცა. ჩვენ უკვე გადავედით იმ ეტაპზე, რომ შეგვიძლია ახალი სერვისები შევთავაზოთ უცხოელ პაციენტებს. ამ შეხვედრიდან ჩანს, რომ დაინტერესება დიდია, დღეს ბათუმს 22 უცხოური კომპანიის წარმომადგენელი სტუმრობს და საქართველოს ჯანდაცვის სისტემის მიღწევებს ეცნობა“, -აღნიშნა ზაალ მიქელაძემ.

ღონისძიების გახსნას ესწრებოდა ბათუმის მერი ლაშა კომახიძე და საქართველოს ტურიზმის ადმინისტრაციის წარმომადგენელი. პროექტში მონაწილეობს საქართველოს წამყვანი 22 კლინიკა, ხოლო 22 კომპანია მოწვეულია პოსტსაბჭოთა სივრცის ქვეყნებიდან, კერძოდ: აზერბაიჯანი, ყაზახეთი, უკრაინა, ბელარუსია და რუსეთი. კომპანიებს შორის ძირითადად ქართული კლინიკებისთვის პოტენციური სამომავლო პარტნიორებია შერჩეული, რაც კლინიკების მენეჯმენტს აძლევს უნიკალურ შესაძლებლობას ორი დღის განმავლობაში ჩატაარონ პირისპირ შეხვედრები და გააცნონ ყველა იმ სამედიცინო სერვისების ჩამონათვალი რაზეც შესაძლებელია უცხოელი პაციენტების მოზიდვა საქართველოში. პროექტი ხორციელდება B2B ორგანიზაციის ინიციატივითა და ორგანიზებით.

(NS)

ავტორი: ,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო