„თიბისი ბანკისა“ და „ქოლგა თბილისი ფოტოს“ ერთობლივი ფოტოკონკურსის „დაუვიწყარი წამი“ გამარჯვებულების ვინაობა ცნობილია. 

ნომინაციის საუკეთესო ფოტოებისათვის, თეონა ჟორჟოლიანი ( ნამუშევრით „მატარებელი“ ) და მარიამ ხიდეშელი (ნამუშევრით „ბავშვი ეტლში“) „ქოლგა თბილისი ფოტოს“ გახსნის საზეიმო ცერემონიალზე დაჯილდოვდნენ.

გამარჯვებულებს, „თიბისი ბანკის“ სახელით, ფოტოაპარატი CANON 650D გადაეცათ.  

ფოტოკონკურსი „დაუვიწყარი წამი“ „ქოლგა თბილისი ფოტოს“ ფარგლებში უკვე ორი წელია ტარდება და მისი მიზანია, მოყვარული ფოტოგრაფების საუკეთესო ნამუშევრების გამოვლენა და მათი სტიმულირება. 

„დაუვიწყარი წამი“ არის ერთადერთი ნომინაცია „ქოლგას თბილისი ფოტოს“ ფარგლებში, რომელშიც მონაწილეობა უფასოა და ფოტოს ავტორისგან პროფესიონალიზმს არ მოითხოვს.

წლევანდელ კონკურსში, საქართველოს მასშტაბით, 900-მდე ფოტო მონაწილეობდა. გასულ წელთან შედარებით 2015 წელს ნომინაციაში მონაწილეთა რაოდენობა გაორმაგდა. კონკურსში მონაწილეობის საშუალება „თიბისი ბანკის“ თანამშრომლებსაც მიეცათ. გამარჯვებულთაგან ერთ-ერთი მარიამ ხიდეშელი, სწორედ „თიბისი ბანკის“ თანამშრომელია.

კონკურსში წარდგენილი ყველა ფოტო „თიბისი ბანკის“ სათავო ოფისში (მარჯანიშვილის 7) გამოიფინა. ექსპოზიცია ბანკში ერთი თვის განმავლობაში დარჩება.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი