ყოფილი პრემიერ–მინისტრი ბიძინა ივანიშვილი მთავრობაში მიმდინარე საკადრო ცვლილებებს ნორმალურ სამუშაო პროცესად მიჩნევს.

როგორც ივანიშვილმა ჟურნალისტებს განუცხადა, რეგიონული განვითარებისა და ინფრასტრუქტურის სამინისტროს ირგვლივ ჭორების გარდა არაფერი ისმის.

მან ინფრასტრუქტურის ახალი მინისტრის შესახებაც ისაუბრა და განაცხადა, რომ ნოდარ ჯავახიშვილი თავისი პრინციპულობით გამორჩეული მინისტრია.

„ეს პროცესი პროცესებმა განაპირობეს. ნორმალური, ჩვეულებრივი მუშა პროცესია. ძალიან კარგი განცხადებები გააკეთეს, კითხვები არ ისმის, მაგრამ ოპოზიციის ნაწილი ამას სხვა კუთხით განიხილავს.  დავით შავლიაშვილმა გააკეთა განცხადება, რომ ჯანმრთელობის პრობლემაა აქვს, სად არის კითხვა?– არ ვიცი. როდესაც პრემიერი გამოდის და ამბობს, რომ 107%–ით  შეასრულა გეგმა,  წარმატებული მინისტრი იყო... გარდა ჭორებისა, რაც შავლიაშვილის ირგვლივაა, ხელთ არაფერი გვაქვს. თუ რეალური ინფორმაცია გაქვთ რაიმე, დარეკეთ “GDS”–ში.  მე პირადად გავუძღვები ყველანაირ კითხვებს, ჩავყვები ბოლომდე. ჭორების მეტი ამ სამინისტროს ირგვლივ არაფერი არ ისმის. ნოდარ  ჯავახიშვილი მთელი გუნდიდან გამორჩეულია. ედუარდ შევარდნაძის მთავრობის დროს ლამის ერთადერთი კაცი იყო, ვინც იბრძოდა და  ვალუტის კურსიც დაიჭირა.  საერთოდ პრინციპულობით გამოირჩეოდა, თუ კი რამე იქ მოხდა, ამითაც გაქვთ საფუძველი დაელოდოთ ჯავახიშვილის მუშაობას“, – აღნიშნა ბიძინა ივანიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.