შსს-ს გადაუდებელი დახმარების ოპერატიული მართვის ცენტრ „112“-ს, ოფიციალური ვიზიტის ფარგლებში, ბელარუსის რესპუბლიკის შინაგან საქმეთა მინისტრი იგორ შუნევიჩი ეწვია.

შსს-ს ინფრომაციით, სტუმრები საქართველოში გადაუდებელი დახმარების მართვის სფეროში არსებულ სიტუაციას გაეცნენ და ქვეყანაში მოქმედი გადაუდებელი დახმარების ერთიანი ნომრის - „112“-ის ფუნქციონირების შესახებ დეტალური ინფორმაცია მიიღეს.

ბელარუსის შს მინისტრს და დელეგაციის წევრებს საშუალება მიეცათ ადგილზე გაცნობოდნენ „112“-ის ოპერატორების მუშაობის სპეციფიკას და დაკვირვებოდნენ ზარის მიღებისა და შეტყობინების დამუშავების პროცესს. „112“-ის დირექტორმა გიორგი ბიჭაშვილმა დელეგაციის წევრებს გადაუდებელი დახმარების ოპერატიული მართვის ცენტრი პირადად დაათვალიერებინა და სტუმრებს სამახსოვრო საჩუქრები გადასცა.

შეხვედრაზე მხარეებმა ორმხრივი თანამშრომლობის გაღრმავების მნიშვნელობა აღნიშნეს. დელეგაციის წევრები „112“-ის სამომავლო გეგმებით და სამსახურის მიერ დანერგილი სერვისებით დაინტერესდნენ.

ბელორუსის რესპუბლიკის შს მინისტრმა ქართველ კოლეგას მასპინძლობისთვის მადლობა გადაუხადა და საპასუხო ვიზიტით ბელორუსიაში მიიწვია.

„დღეს მე მინდა დიდი მადლობა გადავუხადო ჩემს კოლეგებს, რომლებმაც ძალიან თბილად მიიღეს ჩვენი დელეგაცია და მე მინდა წარმოვთქვა მადლიერების სიტყვები თბილი მიღებისთვის პირადად ბატონი მინისტრის მისამართით. დარწმუნებული ვარ, რომ ჩვენი შეხვედრის დამსახურება იქნება არა მარტო ჩვენი სამინისტროების, არამედ ჩვენი ერების შემდგომი დაახლოება. მსურს ვისარგებლო შემთხვევით და მოვიწვიო ქართველი კოლეგები მინსკში, საპასუხო ვიზიტით, მათთვის მოსახერხებელ დროს“,- განაცხადა ბელარუსის რესპუბლიკის შინაგან საქმეთა მინისტრმა იგორ შუნევიჩმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს