დიასპორის საკითხებში სახელმწიფო მინისტრი გელა დუმბაძე ასირიელთა ეროვნული კონგრესის პრეზიდენტს ხვდება. შეხვედრაზე ასირიელი ქრისტიანებისთვის  თავშესაფრის გადაცემის საკითხი განიხილება.

შესაძლოა, საქართველოში ბავშვების ჩამოყვანა და მათი ბანაკებში დასვენება მოხდეს.

"ვიმსჯელებთ, რა შეგვიძლია ჩვენ გავაკეთოთ როგორც სამინისტროს, საზოგადოებას, თუნდაც ბავშვების მიმართ, თემა არის ასეთი, შესაძლოა მოხდეს განთავსება ქართველ ოჯახებში, ასევე ანაკლიაში ბანაკებში  მათი შესაძლო დასვენება. გვინდა  დეტალებით დავინტერესდეთ, რომ ვიყოთ მზად რაღაც  ინიციატივებისთვის, რომელიც შემდეგ გაჟღერდება მთავრობის სხდომაზე და სხვადასხვა ფორუმზე და ჩვენ ამ ჟესტითა და მათი მოწვევით ხაზს ვუსვამთ ჩვენს მზადყოფნას, რომ შევისწავლოთ კარგად სიტუაცია, ავწონ-დავწონოთ ჩვენი რეალური ძალები და გადავდგათ კონკრეტული  ქმედითი ნაბიჯები",-განაცხადა გელა დუმბაძემ "რუსთავი2"-თან საუბრისას.
საკითხთან დაკავშირებით დღეს კითხვა შინაგან საქმეთა მინისტრს დაუსვეს. გომელაურის განცხადებით, ამ თემაზე სავარაუდოდ, მთავრობის სხდომაზე იმსჯელებენ და გადაწყვეტილებას პრემიერი მიიღებს.
"ამაზე ალბათ პრემიერ-მინისტრი მიიღებს გადაწყვეტილებას, მთავრობაზე დააყენებს  საკითხს და გეცნობებათ. ამაზე მე მეტ პასუხს ვერ გაგცემთ",-აღნიშნა ვახტანგ გომელაურმა.
ცნობისთვის, "გააჩერეთ გენოციდი"- ამ სახელწოდებით ქართველი ფეისბუქ მომხმარებელები პეტიციას ავრცელებენ. საზოგადოება  ხელისუფლებისგან მართლმადიდებელი ასირიელებისთვის თავშესაფრის მიცემას ითხოვს. დაჯგუფება "ისლამური სახელმწიფო"  ასირიელების წამებისა და მკვლელობის შემზარავ კადრებს სისტემატიურად აქვეყნებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო